ක්‍රිකට්වලට සමුදුන් දෝනි ගොවිතැනට බසී

වසර 16 කට ආසන්න කාලයක් සාර්ථක ක්‍රිකට් ක්‍රීඩා ජීවිතයකින් පසුව හිටපු ඉන්දීය ක්‍රිකට් නායක මහේන්ද්‍ර සිං දෝනි 2020 අගෝස්තු 15 වන දින ජාත්‍යන්තර ක්‍රිකට් ක්‍රීඩාවෙන් විශ්‍රාම ගත්තා.

එතැන් පටන් ඔහු විවිධ සාම්ප්‍රදායික හා සාම්ප්‍රදායික නොවන ක්‍රියාකාරකම්වල නිරත වෙමින් විවිධ උත්සාහයන්වල නිරතව සිටියා.

ඔහුගේ එවන් උත්සාහයක ප්‍රතිඵලයක් ලෙස ඉන්දියාවේ ජාර්කන්ඩ් හි රාංචිවල පිහිටි ඔහුගේ ගොවිපොළේ ගොවිතැන් කරන්නට පටන් ගත් අතර දෝනි රාන්චි හි අක්කර 43 ක ගොවිපොළක අක්කර 10 කට ආසන්න භූමියක කාබනික පලතුරු හා එළවළු වගා කර තිබෙනවා.

මෙම භූමියේ වගා කරන පලතුරු හා එළවළු අතර ගෝවා, තක්කාලි, ස්ට්‍රෝබෙරි, ඇට වර්ග සහ තවත් දේ එළවළු, ධාන්‍ය සහ පළතුරු ඇතුළත් වේ.

මෙම ගොවිපලෙන් ලැබෙන ගෝවා සහ තක්කාලි සඳහා රාංචිහි දේශීය වෙළඳපොලේ විශාල ඉල්ලුමක් පවතින බවත් සඳහන් වෙනවා.

39 හැවිරිදි ක්‍රිකට් ක්‍රීඩකයා මෙම ගොවි ව්‍යාපාරය ජාත්‍යන්තරය වෙළෙඳපොළ කරා ගෙන යාමට සූදානම්ව සිටින බව සඳහන් වෙයි. දැනට ලැබෙන තොරතුරු අනුව දෝණි මෙලෙස වගා කරනු ලබන මෙම එළවළු ඉක්මනින් ඩුබායි වෙළඳපොලේ අලෙවි වනු ඇත.

එක්සත් අරාබි එමීර් රාජ්‍යයේ මෙම එළවළු අලෙවි කරන ඒජන්සියක් ද මේ වන විටත් ආරම්භ කර ඇති බව සඳහන් වෙයි. ගල්ෆ් රටවල ඉන්දියානු පලතුරු හා එළවළු කිහිපයක් බෙදා හැරීමේ වගකීම ද මෙම ඒජන්සිය මඟින් සිදුකරනු ලබයි.

මෙම නැවුම් කාබනික නිෂ්පාදන රාංචියේ සිට එක්සත් අරාබි එමීර් රාජ්‍යයට යැවීමේ වගකීම ජාර්කන්ඩ්හි කෘෂිකර්ම දෙපාර්තමේන්තුව විසින් භාරගෙන ඇති බව තවදුරටත් වාර්තා වේ.

Related posts

Leave a Comment