බස් ගාස්තු සංශෝධනයක් ඉල්ලයි!

ඉන්ධන මිල ඉහළ දැමීම, බස් රථ අමතර කොටස් මිල ඉහළ යාම හේතුවෙන් සියයට පහළොවත් විස්සත් අතර ප්‍රමාණයක බස් ගාස්තු සංශෝධනයක් අවශ්‍ය බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පැවසීය.

මෙයට අමතරව රුපියල් දාහතරක්ව පැවති අවම බස් ගාස්තුව රුපියල් විස්ස දක්වාත් සංශෝධනය කළ යුතු බව විජේරත්න මහතා සඳහන් කළේය.

ලබන සදුදා(27) වන විට  එම සංශෝධන ලබා නොදුනහොත් බස් රථ ධාවනයෙන් ඉවත් වීමට පියවර ගන්නා බවත් ඔහු සඳහන් කළේය.

ඉන්ධන මිල ඉහළ යාම, බස් රථ අමතර කොටස් වල මිල ඉහළ යාම, ලිහිසි තෙල් මිල ඉහල යාම, සේවා ගාස්තු ඉහළ යාම  ඇතුළු කරුණු කිහිපයක් මුල්කරගනිමින් බස් ගාස්තු සංශෝධනය සිදුකරන බවත්  ඔහු කීවේය.

මෝටර් රථ ආඥා පණත සංශෝධනය කිරීම, ගෙවීම් කාඩ් පත හඳුන්වාදීම, බස් රථ සම්බන්ධයෙන් සහනාධාර ක්‍රමවේදයක් දිගින් දිගටම බස් සංගම් ඉල්ලා සිටියත් ඒවා ලබාදීමට ප්‍රවාහන බලධාරීන් මෙතෙක් කටයුතු කර නැතැයි ද විජේරත්න මහතා සඳහන් කළේය.

ජනාධිපතිවරයා මැදිහත්ව මේ සම්බන්ධයෙන් සලකා බැලීමක් සිදු නොකළහොත් එළැබෙන සදුදා  සිට ස්ථිරවම බස් රථ ධාවනයෙන් ඉවත් වන බවත් ඔහු වැඩිදුරටත් පැවසීය.

බස් ගාස්තු සංශෝධනය සම්බන්ධයෙන් ජාතික ගමනාගමන කොමිෂන් සභාවට සහ ප්‍රවාහන අමාත්‍යාංශයට මේ සතිය තුල දැනුම් දෙන බවත් විජේරත්න මහතා වැඩිදුරටත් සඳහන් කළේය.

Related posts

Leave a Comment